ચીનની સત્તાધારી કમ્યુનિસ્ટ પાર્ટી ઓફ ચાઈના (સીપીસી)ના સભ્યોની સંખ્યા આઠ કરોડના આંકડાને પાર પહોંચવાની સાથે જ તે દુનિયાની સૌથી મોટી રાજકીય પાર્ટી બની ગઈ છે.
સીપીસીની કેન્દ્રીય સમિતિના ઓર્ગેનાઈઝેશન ડિપાર્ટમેન્ટના ઉપપ્રમુખ વાંગ ક્વિંગફેંગે જણાવ્યુ કે ગત વર્ષના અંતમાં પાર્ટીના સભ્યોની સંખ્યા આઠ કરોડને પાર પહોંચી ગઈ હતી. તેમણે 1 જુલાઈએ પાર્ટીની 90મી વર્ષગાંઠ પહેલા મીડિયાને આ જાણકારીથી અવગત કર્યું છે.
સામ્યવાદના પ્રતીક ચીની નેતા માઓત્સે તુંગે માત્ર 50 સભ્યોની સાથે 1921માં પાર્ટીની સ્થાપના થઈ હતી. 1949માં સત્તામાં આવવા સુધી પાર્ટીના સભ્યોની સંખ્યા 45 લાખ સુધી પહોંચી ગઈ હતી. વાંગે કહ્યું કે 62 વર્ષ સત્તામાં રહ્યા બાદ પાર્ટી હજી પણ લોકોમાં લોકપ્રિય છે અને ગત વર્ષ 30 લાખથી વધારે લોકોએ તેનું સભ્યપદ લીધુ છે.
પાર્ટી સાથે જોડાયેલા નવા સભ્યોમાં કોલેજના વિદ્યાર્થીઓના પણ બે સમૂહ છે. તેના સિવાય ઔદ્યોગિક કર્મચારી, ખેડૂત, પશુપાલકો પણ નવા સભ્ય છે. આ સિવાય પાર્ટીમાં એક કરોડ 80 લાખથી વધારે મહિલાઓ છે. 2010 સુધી આ ગણના પ્રમાણે, પાર્ટીમાં લગભગ 53 લાખ લઘુમતી સમુદાયોના લોકોને પણ સામેલ કરવામાં આવ્યા છે.
