ઓસામા બિન લાદેન પર કરવામાં આવેલી અમેરિકી કાર્યવાહીમાં જપ્ત કરાયેલા અલકાયદા સરગનાના એક વફાદાર સંદેશવાહકના મોબાઈલ ફોનથી પાકિસ્તાનની આઈએસઆઈના લાંબા સમયથી સહયોગી રહેલા આતંકવાદી સંગઠન હરકત-ઉલ-મુજાહિદ્દીન (એચયૂએમ) સાથે સંપર્કના સંકેત મળે છે.
ન્યૂયોર્ક ટાઈમ્સે અમેરિકી અધિકારીઓને ટાંકીને જણાવ્યું છે કે ઓસામા પાકિસ્તાનના આતંકવાદી સંગઠન એચયૂએમનો દેશમાં પોતાના સહયોગી નેટવર્ક તરીકે ઉપયોગ કરતો હતો. અખબારમાં અધિકારીઓ અને વિશ્લેષકોને ટાંકીને કહેવામાં આવ્યું છે કે તેનાથી એ પણ સવાલ ઉભો થાય છે કે શું આ સંગઠન અને આ પ્રકારના અન્ય સમૂહોએ પાકિસ્તાની ગુપ્તચર સંસ્થા આઈએસઆઈની તરફથી ઓસામાને શરણ અને અન્ય પ્રકારની મદદ આપી હતી.
મોબાઈલ વિશ્લેષણ સાથે જોડાયેલા અમેરિકાના એક અધિકારીએ કહ્યું કે આ એક ગંભીર પુરાવો છે. આ એ કૂચી છે જેની તેઓ શોધ કરી રહ્યાં હતા. ન્યૂયોર્ક ટાઈમ્સ પ્રમાણે આ ખુલાસાથી દસ વર્ષ પહેલા અમેરિકી હુમલા બાદ અફઘાનિસ્તાનના તોરાબોરા વિસ્તારમાંથી ઓસામાના ભાગવાની ગુત્થીની મહત્વની કડી પણ મળે છે.
સીઆઈએના એક ભૂતપૂર્વ અધિકારી બ્રૂસ ઓ રીડેલે કહ્યું, હરકત અલકાયદાનું એક ઘણું જ જૂનું અને નજીકનું સહયોગી છે તથા આઈએસઆઈની અત્યંત નજીક છે. રેકોર્ડથી ખબર પડે છે કે હરકતે ગુપ્તચર અધિકારીઓને ફોન કર્યા હતા, પરંતુ પરંતુ એ ખબર પડી નથી કે શું તે ફોન ઓસામા સાથે સંબંધિત હતા.
No comments:
Post a Comment